Ukraynanın Peterburqdakı baş konsulluğu işini dayandırdı

Ukraynanın Rusiyanın Sankt-Peterburq şəhərindəki baş konsulluğu fəaliyyətini dayandırıb.
Qanunvehedef.az xəbər verir ki, bu barədə məlumatı “RİA Novosti” yayıb.
Bildirilir ki, konsulluğun binası önündə yük daşıma şirkətinin avtomobili görünüb.
Baş konsulluğun binasının yaxınlığında hüquq-mühafizə orqanlarının əməkdaşları növbə çəkir. Hazırda orada vəziyyətin sakit olduğu qeyd olunur.
Mühafizənin verdiyi məlumata görə, diplomatlar konsulluğu dünən axşam tərk etməyə başlayıb.
Binanın önündəki Ukrayna bayrağı da hələ götürülməyib.
Xatırladaq ki, Rusiya fevralın 24-ü Ukraynaya qarşı xüsusi hərbi əməliyyata başlayıb. Bunun ardınca, Ukrayna Prezidenti Volodimir Zelenski ölkəsinin Rusiya ilə diplomatik münasibətləri kəsdiyini elan edib.шаблоны для dle 11.2