Putini dəstəkləyən dirijor işdən çıxarıldı

Milanın “La Skala” teatrının rəhbərliyi Rusiya Prezidenti Vladimir Putinin Ukraynadakı hərbi əməliyyatlarını dəstəkləyən rusiyalı dirijor Valeri Gergiyevi işdən çıxarıb.
Qanunvehedef.az xəbər verir ki, bu barədə teatrın kommünikesində bildirilir.
Kommünikedə deyilir ki, icraçı direktor Dominik Meyer Gergiyevə müvafiq məktub göndərib: “Maestroya, İtaliya Konstitusiyasına uyğun olaraq, münaqişənin sülh yolu ilə həllinin lehinə fikir bildirmək təklifi ilə məktub göndərilib”. Dirijordan isə cavab gəlməyib.
““La Skala” teatrı aqressiyanın qurbanı olmuş Ukrayna vətəndaşlarına və bu günlərdə müharibəni pisləmiş bir çox rusiyalılara öz dəstəyini bildirir", - deyə teatrda qeyd ediblər.
Artıq Valeri Gergiyevin idarə etdiyi “Pikovaya Dama” operasının dirijorluğu Timur Zangiyevə tapşırılıb.   шаблоны для dle 11.2