Türkiyənin minatəmizləmə gəmiləri hazır vəziyyətə gətirilib

“Minatəmizləmə gəmilərimiz, dəniz patrul təyyarələrimiz hazır vəziyyətə gətirilib”.
Qanunvehedef.az “NTV”yə istinadən xəbər verir ki, bunu jurnalistlərə açıqlamasında Türkiyənin milli müdafiə naziri Hulusi Akar deyib.
Onun sözlərinə görə, daxil olan hər bir məlumat anındaca dəyərləndirilir və lazımi tədbirlər görülür: “Aşkarlanan minalar təhlükəsiz bir şəkildə dərhal zərərsizləşdirilir”.
H.Akar qeyd edib ki, hazırda minaların haradan gəldiyi və mənbəyi barədə araşdırmalar davam edir.
Xatırladaq ki, martın 26-sı İstanbul Boğazında, martın 28-i isə İğneada bölgəsinin sahillərində mina aşkar olunub. Hər iki mina zərərsizləşdirilib.