Kiyevi tərk edənlər geri qayıdır

Rusiya ilə genişmiqyaslı müharibə başlayandan sonra Kiyevi tərk etmiş şəhər sakinlərindən üçdə ikisi geri qayıdıb.
Qanunvehedef.az xəbər verir ki, bu barədə Kiyev meri Vitali Kliçko məlumat verib.
“Kiyev əhalisinin üçdə ikisi artıq geri qayıdıb. Tövsiyələrə baxmayaraq, onlar hər gün qayıdırlar. Amma biz bunu qadağan edə bilmərik, ancaq tövsiyə edə bilərik”, - mer deyib.
Kliçko bildirib ki, hələlik şəhərə qayıtmağa dəyməz - heç bir ictimai nəqliyyat işləmir və keçid məntəqələrində yoxlamalar aparılır.
Merin sözlərinə görə, şəhər hakimiyyəti yalnız hərbçilərin tövsiyələrinə arxalanır. Onlar da öz növbəsində şəhərə raket hücumu təhlükəsi barədə xəbərdarlıq edirlər.