Türkiyə boğazlardan keçid rüsumunu 5 dəfə artırır

Türkiyə Montrö Konvensiyasına uyğun olaraq Bosfor və Dardanel boğazlarından gəmilərin keçid rüsumunu 5 dəfə artırır.
Qanunvehedef.az xəbər verir ki, bu barədə məlumatı “Sabah” qəzeti yayıb.
Məlumata görə, sözügedən rüsum cari ilin oktyabr ayının 7-sindən etibarən artırılacaq. Bildirilir ki, əvvəllər 1 tona görə nəzərdə tutulan 0,8 dollar olan rüsum 4 dollar olaraq müəyyən edilib.
Qəzetin məlumatına görə, bununla da Türkiyənin boğazlardan əldə etdiyi illik gəlir 200 milyon dollar artacaq. Hazırda isə ölkə boğazlardan ildə 40 milyon dollar gəlir əldə edir.