Türkiyə vətəndaşlarını İraqa səfər etməməyə çağırıb

Türkiyə Xarici İşlər Nazirliyi (XİN) ölkə vətəndaşlarına İraqın paytaxtında qeyri-sabit vəziyyətlə əlaqədar Bağdada səfərdən çəkinməyi tövsiyə edib.
Qanunvehedef.az xəbər verir ki, bu barədə Türkiyə Xarici İşlər Nazirliyi məlumat yayıb.
"Bağdadda təhlükəsizlik vəziyyətinin pisləşməsini nəzərə alaraq, vətəndaşlarımıza zərurət olmadıqca oraya səyahət etməkdən çəkinmələri tövsiyə olunur", - məlumatda bildirilir.
Nazirlik həmçinin ölkənin İraqdakı türk vətəndaşlarını kütləvi etirazların keçirildiyi yerlərə getməməyə çağırıb.