Şimali Koreya Ukrayna vilayətlərindəki “referendum”u dəstəklədi

Şimali Koreya rəhbərliyi Ukraynanın Donetsk, Luqansk, Zaporojye və Xerson vilayətlərində keçirilən “referendum”ların nəticələrini dəstəkləyib.
Qanunvehedef.az Koreya Mərkəzi Teleqraf Agentliyinə istinadən xəbər verir ki, bu barədə məlumatı Şimali Koreya XİN-in Beynəlxalq Təşkilatlar Departamentinin rəhbəri Ço Çxol Su açıqlayıb.
“Rusiya ilə birləşməyi arzulayan insanların iradəsinə hörmət edirik və Rusiyanın bu bölgələri ölkənin bir hissəsi etməklə bağlı mövqeyini dəstəkləyirik”, - deyə Su qeyd edib.
Xatırladaq ki, sentyabrın 23-dən 27-nə qədər “Donetsk və Luqansk Xalq Respublikaları”nda, eləcə də Xerson və Zaporojye vilayətinin rusiyalı hərbçilərin nəzarətində olan hissəsində həmin ərazilərin Rusiyanın tərkibinə daxil edilməsi ilə bağlı “referendum” keçirilib. Sentyabrın 30-u isə Kremldə Rusiya Prezidenti Vladimir Putinin iştirakı ilə sözügedən 4 vilayətin Rusiyanın tərkibinə daxil edilməsi ilə bağlı müqavilələr imzalanıb.шаблоны для dle 11.2