Türkiyə Qara dənizdə mina aşkar etdi

Türkiyənin Kırklareli şəhərinin sahilinin yaxınlığında mina aşkar olunub.
Qanunvehedef.az xəbər verir ki, bu barədə məlumatı Türkiyənin Milli Müdafiə Nazirliyi öz rəsmi tviter hesabında paylaşıb.
Məlumata görə, mina sualtı müdafiə qrupu tərəfindən zərərsizləşdirilib.
Bu, iyul ayından bəri Türkiyə sahillərinin yaxınlığında tapılan ilk minadır.
Xatırladaq ki, Türkiyə Müdafiə Nazirliyi son zamanlarda ölkə sahillərində bir neçə mina aşkar edib. Ölkə rəhbərliyi Bosforda təhlükəli cisimlərin aşkar edilməsi üçün radarlar quraşdırıb.