İran Rusiyada PUA zavodu inşa edəcəyi ilə bağlı iddialara cavab verib

İran və Rusiya arasında texnoloji müdafiə sahəsində əməkdaşlığın tarixi Rusiya-Ukrayna müharibəsindən əvvələ çıxan əməkdaşlıqdır. İranı bununla bağlı ittiham etmək siyasi məqsədlərlə həyata keçirilir.
APA-nın Tehran bürosunun məlumatına görə, bunu İranın Xarici İşlər Nazirliyini sözçüsü Nasir Kənani bu gün keçirdiyi həftəlik mətbuat konfransında “Vaşinqton Post“ qəzetinin İranın Rusiyada pilotsuz uçuş aparatları (PUA) istehsalı zavodu inşa etməsi ilə bağlı iddialara cavab verərkən bildirib.
O bildirib ki, Amerika hökumət rəsmilərinin və bu ölkənin mətbuatının Ukrayna müharibəsi ilə bağlı zaman-zaman İrana aid yazılar yazması rəsmi Vaşinqtonun siyasi baxışları və müharibədə qızışdırıcı mövqeyini ört-basdır etmək üçün edilir. "Belə ölkələr münaqişənin həllinə kömək etmək əvəzinə müharibənin bir tərəfinə silah ixrac etməklə məşğuldurlar”, o deyib.

Qanunvehedef.azшаблоны для dle 11.2