İranın bu əyalətində 120 gündə 81 nəfər edam olunub

İranın Bəlucistan əyalətində son 120 gün ərzində 81 nəfər edam olunub.
Qanunvehedef.az xəbər verir ki, bu barədə məlumatı “Jinha” xəbər agentliyi yayıb.
Məlumata görə, sözügedən şəxslər saxta ittihamlar əsasında mühakimə olunaraq İranın müxtəlif həbsxanalarında edam ediliblər.
Bildirilir ki, əsasən Bəlucistanda yaşayan bəluclar uzun illər ərzində İran rəhbərliyi tərəfindən çox sayda insan haqlarının pozuntusu halı, diskriminasiya, edam və həbslərlə üzləşiblər.