Serbiya ordusu döyüş hazırlığı vəziyyətinə gətirildi

Serbiya ordusu yüksək döyüş hazırlığı vəziyyətinə gətirilib.
Qanunvehedef.az “İnterfaks”a istinadən xəbər verir ki, bu barədə Serbiya Prezidenti Aleksandr Vuçiç göstəriş verib.
Serbiyanın müdafiə naziri Miloş Vuçeviçin sözlərinə görə, Vuçiç Kosovo və Metohiya muxtar vilayətində yaranan vəziyyəti nəzərə alaraq belə bir qərar verib.
Bununla yanaşı qeyd olunur ki, Serbiya ordusu Kosovonun alban rəhbərliyinin serbiyalılara qarşı hücuma hazırlaşmağa davam etdiyindən döyüş hazırlığı vəziyyətinə gətirilib.
Qeyd edək ki, Kosovo polisi bir neçə keçmiş serbiyalı polisi 1998-1999-cu illərdə münaqişə zamanı cinayət törətməkləri ittihamları ilə saxladıqdan sonra Kosovo və Metohiyada gərginlik yaranıb. Buna cavab olaraq Kosovoda yaşayan serbiyalılar avtomobil yollarında barrikadalar qurub.