Avropa İttifaqı Ermənistana yeni monitorinq missiyası göndərəcək

Avropa İttifaqı Ermənistana ən azı iki il müddətinə yeni monitorinq missiyası göndərmək niyyətindədir.
Qanunvehedef.az Azadlıq Radiosuna istinadən xəbər verir ki, Aİ-nin monitorinq qrupuna 200-ə yaxın müşahidəçi daxil olacaq.
Monitorinq missiyası bir ay ərzində yerləşdiriləcək və birinci missiya kimi təkcə Ermənistan-Azərbaycan sərhədində deyil, Ermənistanın bütün ərazisində patrul edəcək. Monitorlar birinci komanda kimi silahsız olacaqlar.
Qərar layihəsi keçən həftə Avropa Şurasının Siyasi və Təhlükəsizlik Komitəsində qəbul edilib və dünən monitorinq missiyaları ilə məşğul olan əsas orqan – Böhranların İdarə Edilməsinin Mülki Aspektləri Komitəsində təsdiqlənib.