Erməni general-mayor çirkli pulların yuyulması ittihamı ilə həbs olundu

Ermənistan ordusunun təqaüddə olan general-mayoru Qriqori Xaçaturov çirkli pulların yuyulması maddəsi ilə həbs olunub.
Qanunvehedef.az Armenpress-ə istinadən xəbər verir ki, bu barədə Ermənistan Baş Prokurorluğu məlumat yayıb.
Ordu general-mayoru Qriqori Xaçaturov davam edən cinayət işi çərçivəsində həbs edilib.
İstintaq onun 2006-cı ildən 2010-cu ilə qədər hərbi baza komandiri vəzifəsində işləməsi müddətinə aiddir.
General-mayor Xaçaturov 2016-2021-ci illərdə 3-cü Ordu Korpusunun komandiri olub.
O, fevralın 21-də səlahiyyətlilər tərəfindən saxlanılıb.