Rusiya və Ukraynanın hava məkanı 6 il bağlı qalacaq

Rusiya və Ukraynanın hava məkanı 2029-cu ilə qədər Avropaya uçuşlar üçün bağlı qalacaq.
Qanunvehedef.az xəbər verir ki, bu barədə məlumat Avropanın Hava Naviqasiyasının Təhlükəsizliyi Təşkilatının proqnozlarında yer alıb.
Məlumata görə, Asiya tərəfindən Şimali Avropadan keçən uçuşların sayı azalıb. Buna səbəb isə reyslərin Cənub-Şərq ölkələri üzərindən yönləndirilməsi olub.
Qeyd edək ki, Rusiya 2022-ci il fevralın 24-ü Ukraynada xüsusi hərbi əməliyyata başladıqdan sonra bir çox Qərb ölkələri öz hava məkanını Rusiya təyyarələri üçün bağlayıb. Rusiya isə buna cavab olaraq dünyanın 36 ölkəsindən olan aviaşirkətlərə Rusiya üzərindən uçuşlara qadağa qoyub.шаблоны для dle 11.2