Yəməndə izdihamda 79 nəfər ölüb

Yəməndə üsyançı husilərin nəzarəti altında olan Sənada yardım paylanması zamanı izdiham yaranıb.
Qanunvehedef.az xəbər verir ki, ilkin məlumata görə izdihamda 79 nəfər ölüb, 100-dən çox insan yaralanıb.
Fitr bayramından əvvəl Sənada bəzi iş adamları xeyriyyə məqsədilə pul paylamaq istəyiblər.
Lakin paylama zamanı izdiham yaşanıb.
Xəstəxanaya çatdırılan yaralıların sayı 100-ü ötüb. Bölüşdürməyə görə məsuliyyət daşıyan şəxslər saxlanılarkən, hadisə ilə bağlı istintaq başladılıb.
Yəməndəki vətəndaş müharibəsi səbəbindən ölkənin təxminən 22 milyonluq əhalisinin üçdə ikisi humanitar yardımdan asılı vəziyyətə düşüb.