Konqoda baş verən daşqın nəticəsində ölənlərin sayı 438 nəfərə çatıb
Baxılıb: 493 Tarix: 11-05-2023 13:58
Konqonun şərqindəki Cənubi Kivu əyalətində leysan yağışların səbəb olduğu sel fəlakətində həyatını itirənlərin sayı 438-ə çatıb.
Qanunvehedef.az xəbər verir ki, hökumət sözçüsü Patrick Muyaya, keçən həftə Cənubi Kivu əyalətinin Buşu və Nyamukubi kəndlərində baş verən sel fəlakəti nəticəsində itən 26 nəfərin cansız bədəni ilə ölənlərin sayının 438-ə çatdığını deyib.
Daşqın nəticəsində itənlərin sayı ilə bağlı hələlik rəsmi rəqəmin olmadığını bildirən Muyaya əlavə edib ki, qeyri-hökumət təşkilatlarının məlumatına görə, 4000-dən çox adam hələ də itkin düşüb.
Ötən həftə bölgəyə yağan güclü yağışlar Çibira çayının daşmasına səbəb olub.
Tropik iqlim zonasında yerləşən KDC yağışlı mövsümdə tez-tez təbii fəlakətlərlə üzləşir.
Ən çox oxunanlar
Son xəbərlər
