"Ermənistanda işləyən Rusiya vətəndaşları ölkənin iqtisadi yüksəlişinə töhfə verib" -Paşinyan

Rusiya- Ukrayna müharibəsindən sonra Ermənistana 30 min Rusiya vətəndaşı gəlib.
Qanunvehedef.az erməni mətbuatına istinadən xəbər verir ki, bunu Ermənistanın Baş naziri Nikol Paşinyan Çexiyanın "Respect" jurnalına müsahibəsində deyib.
"Ukraynadakı hərbi əməliyyatlar nəticəsində Rusiyadan Ermənistana nə qədər adam gəlib və bunun Ermənistana hansı təsiri olub?" sualına cavab verən Baş nazir qeyd edib ki, Ermənistana yalnız Rusiya vətəndaşlığı olan təxminən 30 min nəfər gəlib.
"Onlar bizim iqtisadi artımımıza töhfə veriblər, çünki onların əksəriyyəti yüksək ixtisaslıdır və tez-tez innovativ texnologiyalar sahəsində çalışır ki, bu da iqtisadi fəallığa səbəb olur. Biz onların mövcudluğuna şadıq", - deyə Paşinyan vurğulayıb.

Qanunvehedef.az