Seçki ilə bağlı Türkiyə məktəblərində tətil olacaq
Baxılıb: 589 Tarix: 22-05-2023 13:46
Türkiyədə prezident seçkilərinin ikinci turu ilə əlaqədar məktəblərdə birgünlük tətil olacaq.
Qanunvehedef.az “TRT Haber”ə istinadən xəbər verir ki, bu barədə Türkiyənin milli təhsil naziri Mahmut Özer bildirib.
Nazirin sözlərinə görə, seçki prosesi əsasən məktəblərdə keçirilir. Bu səbəbdən mayın 29-da məktəblərdə dərs olmayacaq.
Qeyd edək ki, Türkiyədə mayın 14-ü keçirilən prezident seçkiləri zamanı hazırkı Prezident Rəcəb Tayyib Ərdoğan 49,52%, CHP sədri Kamal Kılıçdaroğlu 44,88%, “ATA İttifaqı”nın namizədi Sinan Oğan 5,17%, Məmləkət partiyasının sədri Muharrem İnce isə 0,44% səs toplayıb.
Namizədlərdən heç kim 50 faizdən çox səs yığmadığına görə, seçkilərin ikinci turu mayın 28-i baş tutacaq.
Ən çox oxunanlar
Son xəbərlər
