Britaniya itən sualtı qayığın axtarışları üçün xüsusi aparat göndərdi

Böyük Britaniya Atlantik okeanında turistləri “Titanik” gəmisinin qəzaya uğradığı yerə aparan “Titan” adlı sualtı qayığın axtarışları üçün “Juliet” aparatını göndərib.
Qanunvehedef.az “BBC”yə istinadən xəbər verir ki, uzaqdan idarəolunan aparat hazırda “Boeing C-17 Globemaster” hərbi-nəqliyyat təyyarəsinə yüklənir. Sözügedən təyyarə isə Cersi hava limanından yola düşəcək və Kanadaya gedəcək.  
Ümumilikdə “Juliet”in axtarış-xilasetmə əməliyyatının həyata keçirildiyi əraziyə çatdırılmasına 2 sutka vaxt tələb olunacaq. Sualtı qayıqda olan şəxslərin isə oksigen ehtiyatının artıq yaxın saatlarda başa çatacağı bildirilir.
Xatırladaq ki, “Titan” adlı sualtı qayığın axtarışları iyunun 19-u başlayıb. Qayıqda 5 nəfərin olduğu bildirilir.

Qanunvehedef.az