Rusiyada nə baş verir? - Həyəcan təbili çalındı
Baxılıb: 321 Tarix: 24-06-2023 10:06
Rusiya Federal Təhlükəsizlik Xidmətinin (FTX) Moskva departamenti həyəcan təbili çalıb.
"Qafqazinfo" xarici KİV-ə istinadən xəbər verir ki, şəhərin növbətçilərinə təhlükə zamanı atəş açmaq əmri verilib.
Eyni zamanda, Rostov vilayətində küçələrə zirehli texnikalar yerləşdirilib.
Şəhərin əsas prospektləri hər iki tərəfdən bağlanıb.
Bundan başqa, ölkənin güc strukturlarının tam döyüşə hazır vəziyyətə gətirildiyi bildirilib.
Rusiya KİV-ləri vurğulayıb ki, Moskvada təhlükəsizlik qüvvələri yüksək hazırlıq vəziyyətinə gətirilib.
Qeyd edək ki, iyunun 23-ü axşam saatlarında "Vaqner" özəl hərbi birləşməsinin rəhbəri Yevgeni Priqojin Rusiya Müdafiə Nazirliyi rəhbərliyinin əmri ilə helikopterlərdən muzdluların düşərgələrinə raket zərbəsi endirildiyini bildirib. Priqojin bunun qisasını alacağını açıqlayıb. Rusiya MN isə onun ittihamını təkzib edib.
Bundan sonra Rusiya Priqojinə silahlı üsyana çağırış faktı ilə bağlı cinayət işi açıb.
Qanunvehedef.az
Ən çox oxunanlar
Son xəbərlər
