Polşada təyyarə qəzaya uğradı - 5 ölü
Baxılıb: 483 Tarix: 18-07-2023 14:41
Polşanın mərkəzində “Cessna” təyyarəsi qəzaya uğrayıb.
Bu barədə Qanunvehedef.az TASS-a istinadən xəbər verir.
Hadisə nəticəsində 5 nəfər həyatını itirib, daha 7 nəfər yaralanıb, 3 nəfər isə xəsarət almayıb.
Qəza Varşavadan 40 km aralıqda baş verib. Göyərtəsində paraşütçüləri daşıyan təyyarə çətin hava şəraitində eniş etməyə çalışarkən insanların sığındığı anqara düşüb.
Ölən 5 nəfərdən biri pilotdur. İkinci pilot yaralanıb, üçüncü isə xəsarət almayıb.
Anqarda yaralananlardan biri 6 yaşlı oğlan uşağıdır. 40 yaşında iki kişi isə ağır vəziyyətdə xəstəxanaya çatdırılıb.
Cavabdeh xidmətlər hadisənin başvermə səbəblərini müəyyənləşdirməyə başlayıb. İlkin səbəb kimi meteoşərait göstərilir.
Ən çox oxunanlar
Son xəbərlər
