Səudiyyə Ərəbistanına səfər etmək istəyənlər vizanı elektron ala biləcəklər.

Səudiyyə Ərəbistanına səfər etmək niyyətində olan Azərbaycan vətəndaşları elektron viza ala biləcəklər.
Qanunvehedef.az xəbər verir ki, bu barədə məlumatı “Arabian Business” portalı yayıb.
Məlumata görə, Səudiyyə Ərəbistanı elektron viza xidmətini Azərbaycanla yanaşı, Albaniya, Gürcüstan, Qırğızıstan, Maldiv adaları, Cənubi Afrika, Tacikistan və Özbəkistan üçün də açıb. Bununla da, Səudiyyə Ərəbistanına elektron viza ala biləcək ümumi ölkələrin sayı 57-yə çatıb.
Bildirilir ki, ölkəyə gələn ziyarətçilər sözügedən vizadan turizm, biznes, ailə və dostları ziyarət, eləcə də Ümrə ziyarəti üçün istifadə edə bilər.
Elektron viza il ərzində etibarlı sayılır və ölkəyə bir neçə dəfə səfər etməyə və 90 günə qədər burada qalmağa imkan verir.шаблоны для dle 11.2