Gürcüstanda sürüşmə zonasında ölənlərin sayı artdı

Gürcüstanda Şovi kurort bölgəsində torpaq sürüşməsi nəticəsində həlak olanların sayı 19 nəfərə çatıb.
Qanunvehedef.az xəbər verir ki, bu barədə məlumatı ölkənin Fövqəladə Halların İdarəedilməsi Xidmətinin rəhbəri Reymuraz Mqebrişvili açıqlayıb.
Onun sözlərinə görə, çayın məcrasında 1 nəfərin cəsədi, eləcə də insan bədənin hissələri aşkar olunub.
Xatırladaq ki, Şovidə torpaq sürüşməsi avqustun 3-ü baş verib. Hadisə nəticəsində körpülər dağılıb, yollara ziyan dəyib. Avqustun 7-si ölkədə matəm günü elan edilib.