Fanatik yəhudilər Əl-Əqsa məscidinə basqın ediblər

Onlarla fanatik yəhudi İsrail qüvvələrinin himayəsi altında Əl-Əqsa məscidinə basqın edib.
Qanunvehedef.az xəbər verir ki, Fələstinin rəsmi agentliyi WAFA-nın xəbərinə görə, hadisə şahidləri məskunlaşanların İsrail polisinin ciddi mühafizəsi altında qrup halında Əl-Əqsa məscidinin həyətinə daxil olduqlarını bildiriblər.
Daha əvvəl Qüds İslam Vəqflər İdarəsinin icazəsi ilə Məscidül-Əqsanı ziyarət edən yəhudilər, İsrailin 2003-cü ildən bəri Vəqflər İdarəsinin suverenliyini pozan birtərəfli qərarı çərçivəsində polisin müşayiəti ilə müsəlmanların müqəddəs ziyarətgahına daxil olurlar. .
Qüds İslam Vəqfləri İdarəsi bu cür girişləri müsəlmanların suverenliyini pozan basqın kimi təsvir edir.