Qəzzada ölənlərin sayı artır

HƏMAS qruplaşmasının hücumu nəticəsində İsrail ərazisində həlak olanların sayı 1300-ə çatıb, onlardan 220-si hərbçidir.
Qanunvehedef.az xəbər verir ki, bu barədə məlumatı İsrail Müdafiə Ordusuna istinadən “The Times of Israel” yayıb.
Bildirilib ki, 3300-ə yaxın israilli isə xəsarət alıb.
Fələstin Səhiyyə Nazirliyinin məlumatına görə isə, Qəzzada ölənlərin sayı 1200 nəfərə yüksəlib. Daha 5600 nəfər yaralanıb.
Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.

Qanunvehedef.az