Sülhməramlıların taleyi necə olacaq? - VİDEO

Azərbaycan öz suverenliyini tam bərpa edəndən sonra rusiyalı sülhməramlıların da müvəqqəti yerləşdikləri bəzi ərazilərdə bir neçə müşahidə məntəqələrini bağladığının şahidi oluruq.
Son məlumatlarda isə kontingentin Qarabağı konkret tərk etmə tarixinin rəsmi İrəvanla müzakirə ediləcəyi iddia olunub.
Lakin Ermənistan müdafiə nazirliyi sözügedən məlumatları təkzib edib və belə bir görüşün planlaşdırılmadığını açıqlayıb.
Kremlin sözçüsü Dmitri Peskov da sülhməramlılar məsələsinin İrəvanla müzakirə edilmədiyini bildirib və bunu Qarabağın de-fakto və de-yure Azərbaycanın ərazisi olması ilə əlaqələndirib. Ancaq 2020-ci ilin noyabrında birgə qəbul edilən Üçtərəfli Bəyanatda tərəflərdən biri Ermənistan göstərilsə də, Moskvanın bu açıqlaması İrəvanı tərəf olmaqdan uzaqlaşdırır, deməli, dolayısı ilə həm Üçtərəfli Bəyanatın məlum bəndi qüvvədən düşür, həm də sülhməramlıların Qarabağdakı missiyasının tezliklə başa çatacağı fikri konkretləşir.
Qeyd edək ki, razılaşmaya əsasən, Rusiya sülhməramlılarının Qarabağdakı fəaliyyət müddəti 2025-ci ildə sona çatır. Üçtərəfli Bəyanatın 4-cü bəndinə görə, müddətin bitməsinə 6 ay qalmış tərəflərdən biri qarşı çıxmazsa, müddət avtomatik olaraq 5 il də uzadılır. Lakin mövcud vəziyyətin fonunda verilən açıqlamalar onu göstərir ki, artıq tərəflərdən biri yoxdur və beləliklə, bəyanat da əhəmiyyətini itirib.
Ətraflı Baku TV-nin süjetində:



Qanunvehedef.azшаблоны для dle 11.2