İsrail ordusu Qəzzada 200-dən çox hərbi obyektə zərbə endirib

İsrail ordusu gecə ərzində Qəzza zolağında 200-dən çox hərbi obyektə hücum edib.
Qanunvehedef.az xəbər verir ki, bu barədə məlumatı ordunun Mətbuat xidməti yayıb.
“İsrailin Müdafiə Ordusu gecə ərzində Qəzza zolağının bütün ərazisində HƏMAS və “İslami cihad” təşkilatlarının 200-dən çox obyektinə hücum edib. Ordunun qırıcıları HƏMAS terror təşkilatının qərargahına zərbə endirib və təşkilatın hərbi agentini zərərsizləşdiriblər”, - deyə məlumatda qeyd olunub.
Həmçinin bildirilir ki, silah-sursat anbarlarına və terror fəaliyyətinin maliyyələşdirilməsi üçün istifadə olunan banka da zərbə endirilib.

Qanunvehedef.az