İsrail HƏMAS-ın hərbi obyektlərinə zərbələri davam etdirir

İsrail Müdafiə ordusu oktyabrın 27-nə keçən gecə HƏMAS qruplaşmasının 250-dən çox hərbi obyektinə zərbələr endirib.
Qanunvehedef.az xəbər verir ki, bu barədə məlumatı İsrail ordusu öz teleqram kanalında paylaşıb.
Zərbələr qırıcı təyyarələr ilə endirilib. Vurulan hədəflər sırasında qruplaşmaya məxsus tunel, operativ idarəetmə mərkəzləri və raket buraxılış qurğularının olduğu bildirilir.
Bununla yanaşı, İsrail ordusu onlarla HƏMAS döyüşçüsünə də zərbə endirib. Zərərsizləşdirilənlər arasında HƏMAS komandiri də var.
Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.

Qanunvehedef.az