Qəzzada 101 tibb işçisi həyatını itirib

İsrailin hücumları nəticəsində 101 tibb işçisi həyatını itirib.
Qanunvehedef.az xəbər verir ki, 57 səhiyyə müəssisəsi hədəfə alınıb, 12 xəstəxana və 32 sağlamlıq mərkəzi dağılıb.
Bu barədə Qəzza Səhiyyə Nazirliyinin sözçüsü Əşrəf Əl-Qudra Qəzza şəhərində keçirdiyi mətbuat konfransında İsrailin bölgəyə hücumları barədə məlumat verib.
Qudra İsrailin 7 oktyabrdan bəri Qəzza zolağında həyata keçirdiyi hücumlarda 2913-ü uşaq, 1709-u qadın və 397-si qoca olmaqla 7028 adamı öldürdüyünü, 18484 nəfəri yaraladığını bildirib.
İsrailin dünəndən bəri 43 qırğın törətdiyini bildirən Qudra Qəzzada son 24 saatda 481 nəfərin öldürüldüyünü açıqlayıb.
Qudra bəyan edib ki, İsrail ordusu oktyabrın 7-dən bu yana Qəzza zolağında 731 ailədən 5224 nəfəri öldürüb.

Qanunvehedef.az