Norveç və Ermənistan xarici işlər nazirlərinin görüşü olub
Baxılıb: 561 Tarix: 01-12-2023 12:30
Ermənistanın xarici işlər naziri Ararat Mirzoyan ATƏT Nazirlər Şurasının 30-cu iclası çərçivəsində Norveçin xarici işlər naziri Espen Bart Eyde ilə görüşüb.
Qanunvehedef.az xəbər verir ki, xarici işlər nazirləri iki ölkə arasında əməkdaşlıq məsələlərini müzakirə ediblər, əlaqələrin inkişafının müsbət dinamikasını və tərəfdaşlığı daha da genişləndirməyə hazır olduqlarını qeyd ediblər.
Qarşılıqlı maraq doğuran məqsədyönlü istiqamətlər, eləcə də işgüzar dairələr üçün cəlbedici istiqamətlər üzrə əməkdaşlığın genişləndirilməsi ətrafında fikir mübadiləsi aparılıb.
Ermənistan və Norveç xarici işlər nazirləri Cənubi Qafqazdakı son hadisələri və tendensiyaları hərtərəfli müzakirə ediblər.
Nazir Mirzoyan Norveçin xarici işlər nazirinə regionda sabitliyin və davamlı sülhün bərqərar olunmasına dair Ermənistanın baxışını, bu istiqamətdə konkret təşəbbüsləri və həyata keçirilən tədbirləri təqdim edib. Bu kontekstdə geniş regional layihələrin həyata keçirilməsinə önəm verən XİN Mirzoyan Ermənistan hökuməti tərəfindən hazırlanmış "Sülh yollarının kəsişməsi" layihəsinin ayrı-ayrı komponentləri haqqında ətraflı məlumat verib.
Qanunvehedef.az
Ən çox oxunanlar
Son xəbərlər
