Sosial şəbəkədə şəhidləri təhqir edən şəxs tutulub

Xəbər verdiyimiz kimi Türkiyə son 2 gün ərzində 12 şəhid verib.
Qanunvehedef.az türk mediasına istinadən xəbər verir ki, bəzi sosial media platformalarında şəhidlərə, onların ailələrinə, Türkiyə ordusuna qarşı qalmaqallı paylaşımlar edilib.
Türkiyənin Daxili işlər naziri Əli Yerlikaya bu şəxslərdən birinin Antalyada tutulduğunu açıqlayıb.
Türkiyənin Daxili İşlər naziri paylaşımında bu ifadələr yer alıb:
"Kiber Cinayətlərlə Mübarizə İdarəsi tərəfindən aparılan araşdırmadan sonra Twitter (X) sosial media platformasında Qəhrəman Ordumuzu və Əsgərlərimizi tənqid və təhqir edən O.K. adlı şəxs tutulub. Müqəddəs dəyərlərimizi təhqir etmək istəyənlər bundan sonra da Ali Türk ədaləti qarşısında cavab verəcəklər." - deyə paylaşımda qeyd edilib.

Qanunvehedef.az