İraqda ABŞ-nin hərbi bazasına hücum - Yaralılar var
Baxılıb: 501 Tarix: 26-12-2023 10:11
İraqın Ərbil şəhərinin beynəlxalq hava limanı ərazisində yerləşən ABŞ hərbi bazasına hücum edilib.
Qanunvehedef.az TASS-a istinadən xəbər verir ki, bu barədə İraq Silahlı Qüvvələrinin Ali Baş Komandanının rəsmi nümayəndəsi general Yəhya Rəsul bildirib. Belə ki, PUA hücumu nəticəsində bir neçə nəfər yaralanıb.
Yəhya Rəsul hadisəni terror aktı adlandırıb. Bundan əlavə, hava limanının fəaliyyəti pozulub və bu, mülki uçuşların cədvəlinə də təsir edib. İraqın İslami Müqavimət şiə hərəkatı məsuliyyəti öz üzərinə götürərək Suriyanın Deyr əz-Zor əyalətindəki Əl-Ömər neft yatağı yaxınlığındakı ABŞ bazasına hücumlar təşkil etdiyini açıqlayıb.
Şiə missionerlər öz teleqram kanallarında yaydıqları bəyanatda ABŞ-nin İsrail ordusuna hərbi yardım göstərməyə davam etdiyinə görə Suriya və İraqda hərbi əməliyyatların sayını artıracaqları ilə bağlı xəbərdarlıq ediblər.
Qanunvehedef.az
Ən çox oxunanlar
Son xəbərlər
