Çin sürətlə nüvə arsenalını genişləndirir
Baxılıb: 456 Tarix: 19-01-2024 10:25
Çin artıq 500-ə yaxın nüvə başlığına malikdir (bunlardan 440-ı əməliyyatda istifadə edilə bilər) və digər nüvə silahəna malik digər ölkələrlə müqayisədə öz arsenalını daha fəal şəkildə artırır.
Bu nəticə Amerika Alimləri Federasiyasının (Federation of American scientists, FAS) yeni hesabatında yer alıb.
FAS-ın hesablamalarına görə, Çinin hazırkı göstəriciləri 2023-cü ilin əvvəlinə müvafiq olaraq 5,889 və 5,244 nüvə başlığına malik olan Rusiya və ABŞ-nin arsenallarından hələ də əhəmiyyətli dərəcədə aşağıdır. Eyni zamanda, bu, artıq Fransa (290) və Böyük Britaniyadan (225), eləcə də statusu rəsmi olaraq tanınmayan dörd nüvə dövlətindən xeyli çoxdur: Pakistan (170), Hindistan (164), İsrail (90) və Şimali Koreya (30).
Eyni zamanda, ekspertlər Pentaqonun hesablamalarına şübhə ilə yanaşırlar ki, bu hesablamalara əsasən 2035-ci ilə qədər Çin artıq 1500 nüvə başlığına sahib olacaq. Çin hakimiyyəti əvvəllər dəfələrlə ABŞ-nin onların nüvə arsenalına dair qiymətləndirmələrini təhrif adlandırıb./Oxu.az
Qanunvehedef.az
Ən çox oxunanlar
Son xəbərlər
