Türkiyənin 8 iri şəhərinə XƏBƏRDARLIQ - Bu gündən etibarən…
Baxılıb: 482 Tarix: 15-02-2024 12:33
Qarşıdakı günlərdə Türkiyənin şimal-qərbində güclü yağış və qar meşahidə olunacaq.
BAKU.WS xəbər verir ki, bu barədə ölkənin meteorologiya baş idarəsi məlumat yayıb.
Belə ki, İstanbul da daxil olmaqla 8 şəhərə sarı xəbərdarlıq edilib.
Sarı xəbərdarlıq edilən şəhərlər Biləcik, Bolu, Bursa, Düzce, İstanbul, Kocaeli, Sakarya və Yalovadır.
Açıqlamaya görə, cümə axşamı səhər saatlarından başlayaraq, xüsusilə İstanbulun şimal rayonlarında yağışın leysan xarakterli olacağı gözlənilir.
Şiddətli yağış nəticəsində yarana biləcək daşqınlara və nəqliyyatın pozulmasına qarşı sakinlərin diqqətli və tədbirli olmağı xahiş olunur.
Sarı xəbərdarlıq verilən digər şəhərlərdə güclü leysan yağacağı gözlənilsə də, yağıntının daha yüksək ərazilərdə sulu qar və qar şəklində olacağı təxmin edilir.
Qanunvehedef.az
Ən çox oxunanlar
Son xəbərlər
