Misir Qəzza ilə sərhəddə beton divar inşa edir

Misir rəhbərliyi Rəfah şəhəri yaxınlığında Qəzza zolağının cənub sərhədində divar inşa etməyə başlayıb.
Qanunvehedef.az xəbər verir ki, bu barədə məlumatı peyk görüntülərinə və inşaat prosesində iştirak edən nümayəndələrə istinadən “The New York Times” qəzeti yayıb.
Məlumata görə, peyk görüntüləri vasitəsilə Rəfahdan cənubda bufer zonada böyük ərazidə texnikaların işlədiyini görmək mümkündür.
Ekspertlərin fikrincə, tikinti işləri təqribən fevralın 5-i başlayıb. Tikinti işləri ilə məşğul olan mühəndis qəzetə bildirib ki, Misir ordusu 5 metr hündürlüyə malik beton divar inşa etmək barədə göstəriş verib.
İnşaat işlərinin İsrail Müdafiə Ordusunun hərbi əməliyyat həyata keçirmək niyyətində olduğu əraziyə yaxın yerdə aparıldığı bildirilir.

Qanunvehedef.az