Orban AB-yə qarşı çıxdı: Bundan sonra...
Baxılıb: 460 Tarix: 12-09-2018 11:14
Avropa öz sərhədlərinin müdafiəçilərini ittiham edir.
Qanunvehedef.az xəbər verir ki, bunu Avropa Parlamentinin nümayəndələri qarşısında çıxışı zamanı Macarıstan Baş naziri Viktor Orban deyib.
“Macarıstan bundan sonra da öz sərhədlərini qoruyacaq. Biz qanunsuz miqrantların qarşısını alaraq, öz haqlarımızı müdafiə edəcəyik. Haqlarımızı hətta sizdən də müdafiə etməyə çalışacağıq”, - o bildirib.
Qeyd edək ki, Orbanın belə çıxış etməsinə səbəb Avropa Parlamentinin Vətəndaş Azadlıqları Komitəsinin Macarıstanla bağlı ittihamları olub. Belə ki, komitə Macarıstanı AB-nin miqrasiya siyasətinə əməl etməməkdə, azlıqların haqlarını pozmaqda, demokratiya, hüquqi dövlət normalarına sistematik təhdidlər yaratmaqda ittiham edib.
Ən çox oxunanlar
Son xəbərlər
