Türkiyədə illik inflyasiya 68,5%-ə yüksəlib

Türkiyədə illik inflyasiya mart ayında 68,5%-ə yüksəlib. Bu isə ötən aya nisbətən 1,43% çoxdur.
APA-Economics" Türkiyə Statistika Təşkilatına (TÜİK) istinadən xəbər verir. Fevral ayında bu rəqəm 67,07% təşkil edib. Məlumata görə, mart ayında istehlak qiymətləri indeksi əvvəlki aya görə 3,16%, 2024-cü ilin əvvəli ilə müqayisədə isə 15,06% artıb.
Ötən ilin eyni ayına nisbətən ən az artım 50,10% ilə geyim və ayaqqabı qiymətlərində, ən çox artım qeydə alınan əsas qrup isə 104,07% ilə təhsil sektoru olub.
Qeyd edək ki, mart ayında qeydə alınan inflyasiya ötən ilin iyun ayından bəri ən yüksək göstəricidir.

Qanunvehedef.az