Qəzza ilə bağlı danışıqların növbəti raundu nə vaxt olacaq?

“Qəzza zolağında münaqişənin həlli üçün yeni danışıqlar həftənin sonuna qədər Qahirədə baş tutmalıdır”.
Qanunvehedef.az TASS-a istinadən xəbər verir ki, bu barədə Ağ Evin mətbuat katibi Karine Jan-Pyer onlayn brifinqdə bildirib.
“Tərəflər texniki işləri davam etdirir, yüksək səviyyəli rəsmilər həftə sonuna qədər Qahirədə yenidən görüşəcək”, - Jan-Pyer vurğulayıb.
Xatırladaq ki, Dohada Qəzza zolağı ilə bağlı məsləhətləşmələrin yeni raundu avqustun 15-də başlayıb. Danışıqlarda Qətər, Misir və ABŞ nümayəndələri iştirak edir. “The Times of Israel” qəzetinin yazdığına görə isə, danışıqların ilk günündə irəliləyiş əldə olunub.

Qanunvehedef.az