ABŞ Soyuq müharibə planını işə saldı - Qruşko

Polşada hərbi baza yaradılması planları gücün Rusiya sərhədlərinə doğru proyeksiyasını nəzərdə tutur.
Qanunvehedef.az xəbər verir ki, bu barədə Rusiya Xarici İşlər nazirinin müavini Aleksandr Qruşko danışıb.
Onun sözlərinə görə, ABŞ-ın bu tip addımı Vaşinqton və müttəfiqlərinin Soyuq müharibə dövründəki təhlükəsizliyin təmin olunması sxemlərini işə saldıqlarını göstərir. ABŞ-ın Polşada hərbi baza yaratması NATO-Rusiya aktının müddəalarının kobud şəkildə pozulması demək olacaqdır.
“Biz bir çox səbəblərə görə məsələyə mənfi yanaşırıq. Çünki bu cür qərar həyata keçiriləcəyi halda təhlükəsizlik sahəsində vəziyyətin gələcəkdə də pisləşməsinə səbəb olacaqdır”, - Qruşko bildirib.
Qeyd edək ki, ABŞ Prezidenti Donald Tramp Polşada daimi hərbi baza yaratmaq planlarının olduğunu açıqlamışdı.