Fərzanə Sadiq: Tehran və İrəvan bu məsələdə razılığa gəldi

Tehran və İrəvan ikinci Norduz körpüsünün tikintisi barədə razılığa gəliblər.
Qanunvehedef.az xəbər verir ki, bunu İranın yol və şəhərsalma naziri Fərzanə Sadiq deyib.
O qeyd edib ki, yol sahəsində iki ölkə ikinci Norduz körpüsünün tikintisi, mövcud körpünün yaxşılaşdırılması, terminalların nizamlanması və yük maşınları üçün rüsumların tənzimlənməsi ilə bağlı ilkin razılıq əldə ediblər.
Nazir əlavə edib ki, Fars körfəzi ilə Qara dənizi dəmir yolu vasitəsilə birləşdirəcək strateji layihə irəliləyir:
“İranda Culfa istiqamətində dəmir yolu artıq mövcuddur və onun Naxçıvandan İrəvana qədər davam etdirilməsi təsdiqlənib. Bu dəmir yolu İran, Azərbaycan, Ermənistan və Avropa arasında tranzitdə mühüm rol oynaya bilər”, – deyə Sadiq qeyd edib.

Qanunvehedef.az