Aclıq edən azərbaycanlı blogerin vəziyyəti ağırlaşdı

Kərəc şəhərinin Qızılhisar həbsxanasında saxlanılan azərbaycanlı bloger, jurnalist və mədəni fəal Hüseyn Rövnəqi aclıq aksiyası keçirir.
Qanunvehedef.az xəbər verir ki, bu barədə insan haqları təşkilatları məlumat yayıb.
Bildirilib ki, barəsində irəli sürülən ittihamların saxta olduğunu bildirərək, sentyabrın 1-dən aclıq aksiyasınna başlayan məhbusun vəziyyətinin ağırlaşmasına baxmayaraq, ona tibbi xidmət göstərilmir.
Qeyd edək ki, 24 iyunda həbs olunan Hüseyn Rövnəqi “İsrailin xeyrinə təbliğat fəaliyyəti” və “İslam Respublikası sisteminə qarşı təbliğat fəaliyyəti”ində günahlandırılıb.
50 yaşlı Hüseyn Rövnəqi Şərqi Azərbaycan əyalətinin Məlikan şəhərindəndir və bundan əvvəl də bir neçə dəfə həbs edilib.

Qanunvehedef.az