“Tesla” Maska 1 trilyon dollar ödəyəcək

“Tesla” növbəti 10 ildə şirkətin direktoru İlon Maska təqribən 1 trilyon dollar həcmində təzminat paketi ödəyəcək.
Qanunvehedef.az “Bloomberg”ə istinadən xəbər verir ki, bu, şirkətin səhmdarlarının səsverməsindən sonra dəqiqləşib.
Belə ki, səhmdarların 75%-i təzminat paketinin ayrılmasının “lehinə” səs verib. Bildirilir ki, bu, ABŞ tarixində şirkət rəhbərinə edilən ən böyük ödəniş olacaq.
Qeyd edək ki, Mask şirkətdəki işinə görə maaş almır, onun şirkətin inkişafına töhfəsi mükafatlar şəklində ödənilir.
Plan həmçinin İ.Maskın şirkətdəki payını 13 faizdən 25 faizə qədər artıracaq. Bununla belə, amerikalı milyarder lazımi göstəricilərə nail olduqda bu məbləği əldə edəcək. Həmin göstəricilərə isə 1 milyon robot taksilərin istifadəyə verilməsi, şirkətin dəyərinin 8,5 trilyon dollara çatması, eləcə də 1 milyon insanabənzər “Optimus” robotlarının tədarükü və s. daxildir.

Qanunvehedef.az