Əsədin getməsinə pul qoyulmuşdu - Bendou

Bəşər Əsədə artıq heç bir təhlükə yoxdur, ABŞ bu ölkəyə hərbi müdaxiləsinə son qoymalıdır.
Qanunvehedef.az xəbər verir ki, bu fikirlər köşə yazarı Duq Bendounun “Nəşnl İnterest” jurnalında dərc olunan yazısında yer alıb.
Suriyada bir həftə keçirən müəllifin sözlərinə görə, burada hər şeyə kimin cavabdeh olduğu ilk baxışdan məlumdur:
“Paytaxt Dəməşqdə ölkənin bütün elitası məskunlaşıb, hər tərəfdə hökumət binaları və təhlükəsizlik qüvvələri var. Demək olar ki, hər küçə Əsədin təsvirləri ilə bəzədilib. Şəhərin əhalisinin böyük bir hissəsi gələcəyə ümidlə yanaşır”, - Bendou vurğulayıb.
Müəllifin fikrincə, ABŞ Əsədin getməsinə pul qoymuşdu, ancaq bu, düzgün addım deyildi. Çünki onun burada çoxlu tərəfdarı var və Əsədin yerinə sadəcə daha “qorxunc” biri gələ bilərdi. Bundan əlavə, ABŞ Suriyanı demokratik və liberal bir ölkə etmək fikrində idi, ancaq dəstəklədiyi heç bir mülayim müxalifət qrupu, o cümlədən Nüsrə Cəbhəsi bu nəticəyə nail olmaq qüdrətinə sahib deyildi.
“Vətəndaş müharibəsi Suriyanın böyük faciəsi oldu. Tramp administrasiyası başqa ölkəyə müdaxilə etmək, ərazisini tutmaq və hissələrə bölmək haqqına sahib deyil. Belə olan halda ABŞ Suriya ilə daha yaxın münasibətləri olan Rusiya və İranı Suriyadan getməyə məcbur edə bilməz. Trampın buradakı hərbi məqsədləri əsl fantastikaya çevrildi. Bundan sonra Əsədə heç bir təhlükə yoxdur. Bundan bir neçə il əvvəl çox az adam Əsədin ölkənin böyük bir hissəsində nəzarəti bərpa edə biləcəyinə inanırdı. Bu gün Əsəd bütün düşmənlərinə qarşı qələbə qazandı. Tramp administrasiyası ABŞ-ın Yaxın Şərqdəki sonuncu müsibətinə son qoymalıdır. Əsəd qalib gəldi, ABŞ isə məğlub oldu”, - müəllif fikrini tamamlayıb.шаблоны для dle 11.2