Hərbi bazanın yaratdığı səs-küyə görə 25 milyon dollar təzminat ödəyəcəklər

Yaponiya hökuməti Tokionun yaxınlığındakı Atsugi hərbi bazasından gələn səs-küy səbəbindən təxminən 25 milyon dollar (3,9 milyard yen) təzminat ödəməyə məhkum edilib.
Qanunvehedef.az NHK-yə istinadən xəbər verir ki, bazanın yaratdığı səs-küy nəticəsində təxminən 8 min nəfər sağlamlıq problemləri ilə üzləşərək, Yokohama Rayon Məhkəməsində kompensasiya iddiası qaldırıb.
Məhkəmə qərar verib ki, bazanın səs-küy səviyyəsi qanuni hədləri aşıb və insanlara zərər vurub. Əvvəlki məhkəmə qərarlarına baxmayaraq, hökumətin hərəkətsizliyi qanunu pozmaq hesab edilib və hökumət iddiaçılara ümumilikdə 25 milyon dollar ödəməli olacaq.
Atsugi hərbi bazası Kanagava prefekturasında, sıx məskunlaşmış Yamato və Ayase şəhərlərinin arasında yerləşir, Sakit Okeandakı ABŞ Hərbi Dəniz Qüvvələrinin ən böyük bazalarından biri sayılır. Buranın 2 400 metrlik uçuş-enmə zolağı var.

Qanunvehedef.az