Pakistanda polis qərargahına hücum, yaralılar var

Pakistanın Pişəvər şəhərində federal polisin qərargahına hücum cəhdi olub.
Qanunvehedef.az yerli “Samaa” telekanalına istinadən xəbər verir ki, hücumda iştirak edən iki terrorçu zərərsizləşdirilib.
Məlumata görə, terrorçuların polis qərargahının binasına daxil olmasına imkan verilməyib. Onlardan biri girişdə özünü partladıb, digəri isə polis əməkdaşları tərəfindən məhv edilib.
Hücum nəticəsində üç polis əməkdaşı ağır yaralanıb.
Daha üç nəfər - hüquq-mühafizə orqanlarının iki əməkdaşı və bir mülki şəxs xəsarətlər alıb.

Qanunvehedef.az