“Amerikanın Səsi”nin bir neçə xarici bürosu bağlanır
“ABŞ Prezidenti Donald Trampın administrasiyası “Amerikanın Səsi”nin (VOA) xaricdəki ofislərinin və radiostansiyalarının bir hissəsini bağlamağı planlaşdırır”.
Qanunvehedef.az xəbər verir ki, bu barədə “The New York Times” nəşri məlumat yayıb.
Ağ Ev artıq Konqresi federal büdcədən maliyyələşən “Amerikanın Səsi” radiostansiyasının yayım imkanlarını məhdudlaşdırmaq planları haqqında məlumatlandırıb.
“Amerikanın Səsi”nə nəzarət edən ABŞ Qlobal Media Agentliyinin (USAGM) rəhbəri Kari Leyk bildirib ki, söhbət altı xarici büronun və dörd marketinq ofisinin, o cümlədən Cakarta (İndoneziya), İslamabad (Pakistan), Nayrobi (Keniya) və Praqa (Çexiya) nümayəndəliklərinin bağlanmasından gedir.
Eyni zamanda, “Amerikanın Səsi”nin Almaniya, Tailand və Botsvanadakı radiostansiyalarının bağlanacağı bildirilir.
Qanunvehedef.az
