Pezeşkian və Xamenei hədəf alındı - Nəticə məlum deyil

İsrail və ABŞ-nin İrana qarşı başlatdığı hərbi əməliyyatın əsas hədəfləri bəlli olub.

Qanunvehedef.az “Reuters” agentliyinə istinadən xəbər verir ki, hücumların hədəfində İranın Ali Rəhbəri Seyid Əli Xamenei və Prezident Məsud Pezeşkian olub.

İsrail mənbələri əməliyyatın nəticələrinin hələlik tam məlum olmadığını bildirib.

Bununla belə, “Mehr” agentliyi öz mənbələrinə istinadən Məsud Pezeşkianın zərbələr nəticəsində xəsarət almadığını açıqlayıb. Eyni zamanda, Əli Xameneinin İsrail-ABŞ birgə hücumundan dərhal sonra Tehrandan çıxarılaraq təhlükəsiz yerə aparıldığı bildirilir.

“The New York Times” qəzeti isə qeyd edir ki, sözügedən hücum ABŞ-nin 2025-ci ilin iyun ayında İranın nüvə obyektlərinə endirdiyi zərbələrdən daha genişmiqyaslıdır.

Qanunvehedef.az