Ər-Riyad: Neft 100 dolları keçəcək – Hədə, yoxsa...

 
İrana qarşı sanksiyalar və neft tədarükünün azalması gələn il neftin qiymətinin 100 dolları keçməyəcəyinə dair zəmanət vermir.
Qanunvehedef.az xəbər verir ki, bunu TASS agentliyinə müsahibəsində Səudiyyə Ərəbistanı Energetika naziri Xalid əl-Faleh deyib. Onun sözlərinə görə, OPEK+ ölkələri iyuldan etibarən hasilatı artırırlar ki, azalan təklifin yerini doldura bilsinlər:
“Bazar defisitdən qorxur və əgər biz bu siyasəti (hasilatı azaltmaq) davam etdirsəydik, o zamanı il yarım ərzində neftin 100 dolları keçdiyini görərdik. Ona görə də buna qarşı tədbirlər gördük”.
O, Səudiyyə Ərəbistanının Qərblə mübahisədə neftdən siyasi vasitə kimi istifadə etmək niyyətində olmadığını bildirib. Faleh yaxın zamanlarda Qaşıqçıya görə yaranan böhranın həll ediləcəyinə ümid etdiyini deyib.
Energetika naziri Fars körfəzi ölkələrinin və Ər-Riyadın 1973-cü ildə Qərbə tətbiq etdikləri embarqonu təkrarlamaq niyyətində olmadıqlarını da söyləyib.