ABŞ-dan Ər-Riyada şok: Ən əxlaqsız hökumət…
Baxılıb: 359 Tarix: 22-10-2018 15:15
ABŞ Senatı və Nümayəndələr Palatasının üzvləri səudiyyəli jurnalist Camal Qaşıqçının öldürülməsi ilə bağlı Ər-Riyadın verdiyi açıqlamanın kifayət etmədiyini və bu ölkəyə daha kəskin reaksiya verilməli olduğunu bildiriblər.Qanunvehedef.az xəbər verir ki, Respublikaçılar Partiyasından olan senator Ben Sasse CNN televiziyasında çıxışı zamanı Qaşıqçının öldürülməsinə reakiya olaraq ABŞ-ın Səudiyyə Ərəbistanına silah satışını dayandırmasını tələb edib.
“ABŞ silah satışını mənfəət xatirinə deyil, ölkənin dəyərlərinə inanan fərqli dövlətlərlə ittifaq qurmaq üçün həyata keçirir. Səudiyyəlilərin açıqlamalı olduqları çox şey var. Səudiyyə Ərəbistanına silah satışının qadağan edilməsi də daxil olmaqla, bütün seçimlər masada olmalıdır. Onların məsələni ört-basdır eləmək üçün ortaya qoyduğu hekayələr qarmaqarışıqdır. Səhvən baş tutan bir dava üçün yanınızda sümükdoğrayan mişar gətirməzsiniz”, - senator bildirib.
Nümayəndələr Palatasının Nyu Yorkdan olan üzvü Peter Kinq isə Ərəbistanın İstanbul Baş Konsulluğunda yaşananları vəhşət adlandırıb.
“Səudiyyənin uydurma hekayələri ilə yola davam edə bilmərik. Onların bu günə qədər öhdəsindən gəlməyə çalışdığımız ən əxlaqsız hökumət olduğunu düşünürəm”, - Kinq qeyd edib.
Ən çox oxunanlar
Son xəbərlər
