Ən gözəli Qazaxıstan bayrağı oldu

Onlayn Dünya Bayraqları Turnirində Qazaxıstanın dövlət bayrağı ən gözəl bayraq kimi tanınıb.

Qanunvehedef.az xəbər verir ki, bu barədə Qazaxıstan KİV məlumat yayıb.

Bildirilib ki, internet istifadəçiləri turnirdə müxtəlif ölkələrin bayraqlarına səs verərək, ən çox bəyəndiklərini seçiblər. Yarış əvvəlcə ölkələr coğrafi bölgələrə bölünərək, qrup mərhələsi ilə başlayıb. Sonrakı mərhələlər isə Olimpiya sisteminə uyğun davam edib və hər mərhələnin qalibi növbəti mərhələyə keçib.

Qazaxıstan bayrağı qrup mərhələsində Orta Asiya ölkələri arasında birinci yeri tutub və sonrakı mərhələlərdə bir neçə ölkənin bayraqlarını geridə qoyub. Xüsusilə Tonqa, Estoniya, Monteneqro və Braziliya bayraqlarına qarşı səsvermədə qalib olub.

Yarımfinalda Qazaxıstan bayrağı Seyşel adalarının bayrağından üstün olub, finalda isə Kiribati bayrağını geridə qoyaraq, turnirin əsas qalibi olub. Üçüncü yeri Butan bayrağı tutub.

Təşkilatçılar qalibin tamamilə istifadəçilərin açıq səsverməsi nəticəsində müəyyən edildiyini vurğulayıblar.

Qanunvehedef.az